സുരക്ഷാ ഭീഷണിയെ തുടർന്ന് കശ്മീരിലെ ടൂറിസ്റ്റ് കേന്ദ്രങ്ങൾ അടച്ചു; ടൂറിസം മേഖല പ്രതിസന്ധിയിൽ

കശ്മീർ: ജമ്മു കശ്മീരിൽ സുരക്ഷാ ഭീഷണിയെ തുടർന്ന് നിരവധി ടൂറിസ്റ്റ് കേന്ദ്രങ്ങൾ അടച്ചു. പാഹൽഗാമിൽ 26 സാധാരണക്കാർ കൊല്ലപ്പെട്ട ഭീകരാക്രമണത്തിന് പിന്നാലെയാണ് ഈ നടപടി. താഴ്‌വരകൾക്കും മലനിരകൾക്കും പേരുകേട്ട ഈ കേന്ദ്രഭരണ പ്രദേശത്ത് 48 റിസോർട്ടുകൾ പൂട്ടിയാതായി മാധ്യമങ്ങൾ റിപ്പോർട്ട് ചെയ്യുന്നു.

ബുദ്ഗാമിലെ ദൂത്പത്രി, അനന്ത്‌നാഗിലെ വെരിനാഗ് തുടങ്ങിയ ടൂറിസ്റ്റ് കേന്ദ്രങ്ങളിലേക്കുള്ള പ്രവേശനവും താൽക്കാലികമായി നിർത്തിവച്ചു. വരുമാനത്തിന്റെ പ്രധാന സ്രോതസ്സായ കശ്മീർ ടൂറിസത്തിന് ഇത് വലിയ തിരിച്ചടിയാണ്. കൂട്ടക്കൊലപാതകത്തെ തുടർന്ന് വിനോദസഞ്ചാരികൾ ഇവിടെ നിന്ന് പലായനം ചെയ്യുകയാണ്. പല യാത്രക്കാരും തങ്ങളുടെ യാത്രകൾ റദ്ദാക്കുകയും ചെയ്തു.

കശ്മീരിലെ ടൂറിസം മേഖലയിൽ പ്രതിസന്ധി രൂക്ഷമായിരിക്കുകയാണ്. ഇത് സാധാരണക്കാരുടെ വരുമാനത്തെ സാരമായി ബാധിക്കും. കഴിഞ്ഞ ആഴ്ച വരെ പാഹൽഗാം ടൗൺ വിനോദസഞ്ചാരികളാൽ നിറഞ്ഞിരുന്നു. എന്നാൽ ഇപ്പോൾ അവിടെ ആളനക്കമില്ലാത്ത അവസ്ഥയാണ്. ഭീകരാക്രമണത്തെ അപലപിച്ച് നാട്ടുകാർ പ്രതിഷേധം നടത്തി. ഇരകളോടുള്ള ഐക്യദാർഢ്യം അവർ പ്രഖ്യാപിക്കുകയും ചെയ്തു.

നിഷ്കളങ്കരായ ആളുകളുടെ കൊലപാതകത്തിനെതിരെ കശ്മീരിലെ ജനങ്ങൾ ഒന്നിച്ചുവെന്ന് ഒമർ അബ്ദുള്ള പറഞ്ഞു. ജനങ്ങളെ അകറ്റുന്ന തരത്തിലുള്ള ഒരു നടപടിയും ഉണ്ടാകരുതെന്ന് അദ്ദേഹം കൂട്ടിച്ചേർത്തു. "കശ്മീരിലെ ജനങ്ങൾ ഇത്രയധികം പേർ തെരുവിലിറങ്ങി പ്രതിഷേധിക്കുന്നത് ഇത് ആദ്യമാണ് എന്നും അദ്ദേഹം നിയമസഭയിൽ പറഞ്ഞു. ഇരകളോട് മാപ്പ് പറയാൻ വാക്കുകളില്ലെന്നും അദ്ദേഹം കൂട്ടിച്ചേർത്തു. ഈ ദുരന്തം തൻ്റെ രാഷ്ട്രീയ നേട്ടത്തിന് വേണ്ടി ഉപയോഗിക്കില്ലെന്നും അദ്ദേഹം വ്യക്തമാക്കി.ഭീകരവാദികളെയും അവർക്ക് പിന്തുണ നൽകുന്നവരെയും ശിക്ഷിക്കുമെന്ന് പ്രധാനമന്ത്രി നരേന്ദ്ര മോദി പറഞ്ഞു. ഭീകരവാദികളെ ഇന്ത്യൻ സൈന്യം പിന്തുടർന്ന് വേട്ടയാടുമെന്നും അദ്ദേഹം കൂട്ടിച്ചേർത്തു.