കോടികൾ ശമ്പളം പറ്റുന്ന ഗൂഗിൾ ജീവനക്കാർ; ഏറ്റവും പുതിയ കണക്കുകൾ ചോർന്നു

admin

Jul 13, 2025 - 21:29

കോടികൾ ശമ്പളം പറ്റുന്ന ഗൂഗിൾ ജീവനക്കാർ; ഏറ്റവും പുതിയ കണക്കുകൾ ചോർന്നു

ഗൂഗിൾ ജീവനക്കാർക്കുള്ള ശമ്പളവും ജീവിത സൗകര്യങ്ങളും വളരെ ഉയർന്നതാണെന്ന് പൊതുവെ എല്ലാവർക്കുമറിയാം. എന്നാൽ, ജീവനക്കാർക്ക് എത്ര ശമ്പളം കിട്ടുന്നുണ്ടെന്ന് കൃത്യമായി അറിയാമോ? 2025 ജൂലൈ 13-ന് പ്രസിദ്ധീകരിച്ച റിപ്പോർട്ട് അനുസരിച്ച് ഗൂഗിളിൽ സോഫ്റ്റ്‌വെയർ എഞ്ചിനീയർമാർക്കാണ് ഏറ്റവും കൂടുതൽ ശമ്പളം. ഉയർന്ന പ്രകടനം കാഴ്ചവെക്കുന്ന ജീവനക്കാർക്ക് കൂടുതൽ ശമ്പളം നൽകുന്ന രീതി തന്നെയാണ് ഗൂഗിളിലുമുള്ളത്.

മെറ്റാ, മൈക്രോസോഫ്റ്റ് തുടങ്ങിയ കമ്പനികൾ ചെയ്യുന്നതുപോലെ, ഗൂഗിളും ഇപ്പോൾ മോശം പ്രകടനം കാഴ്ചവെക്കുന്ന ജീവനക്കാരെ ഒഴിവാക്കാൻ ശ്രമിക്കുന്നുണ്ട്. ഗൂഗിൾ ശമ്പള വിവരങ്ങൾ രഹസ്യമായിത്തന്നെ സൂക്ഷിക്കുന്നതാണ് പതിവ്. 2025-ലെ ആദ്യത്തെ മൂന്ന് മാസങ്ങളിൽ ഫെഡറൽ വർക്ക് വിസയ്ക്ക് നൽകിയ അപേക്ഷകളിൽ നിന്നാണ് ശമ്പള വിവരങ്ങൾ മാധ്യമങ്ങൾ ചോർത്തിയത്. ഈ ശമ്പളവിവരങ്ങളിൽ അടിസ്ഥാന ശമ്പളം മാത്രമാണ് കാണുക. ജീവനക്കാർ കൈവശം വെക്കുന്ന ഓഹരികളോ, അവർക്ക് കിട്ടുന്ന ബോണസ്സുകളോ ഒന്നും ഇതിൽ ഉൾപ്പെടുന്നില്ലെന്ന് പ്രത്യേകം ശ്രദ്ധിക്കുക.

നിലവിൽ എഐ രംഗത്ത് കഴിവുള്ള ആളുകൾക്ക് വലിയ ഡിമാൻഡാണ്. ലഭ്യമായ ശമ്പള വിവരങ്ങൾ താഴെ വായിക്കാം.

എന്‍ജിനീയർമാരുടെ ശമ്പളം

സോഫ്റ്റ്‌വെയർ എഞ്ചിനീയർ: $109,180 മുതൽ $340,000 വരെ

സോഫ്റ്റ്‌വെയർ എഞ്ചിനീയർ (വേമോ): $150,000 മുതൽ $282,000 വരെ

സോഫ്റ്റ്‌വെയർ എഞ്ചിനീയർ മാനേജർ: $199,000 മുതൽ $316,000 വരെ

സോഫ്റ്റ്‌വെയർ എഞ്ചിനീയർ, സൈറ്റ് റിലയബിലിറ്റി എഞ്ചിനീയർ: $133,000 മുതൽ $258,000 വരെ

സ്റ്റാഫ് സോഫ്റ്റ്‌വെയർ എഞ്ചിനീയർ: $220,000 മുതൽ $323,000 വരെ

ആപ്ലിക്കേഷൻ എഞ്ചിനീയർ: $138,000 മുതൽ $199,000 വരെ

കസ്റ്റമർ എഞ്ചിനീയർ: $85,009.60 മുതൽ $228,000 വരെ

കസ്റ്റമർ സൊല്യൂഷൻസ് എഞ്ചിനീയർ: $108,000 മുതൽ $228,000 വരെ

ഡാറ്റ എഞ്ചിനീയർ: $111,000 മുതൽ $175,000 വരെ

‌ഇലക്ട്രിക്കൽ എഞ്ചിനീയർ: $119,000 മുതൽ $203,000 വരെ