ഇന്‍സ്റ്റഗ്രാം വഴി പരിചയപ്പെട്ട കൊറിയന്‍ യുവാവ് ജനുവരി 19ന് മരിച്ചു, ആ വേര്‍പാടില്‍ മനംനൊന്ത് ജീവനൊടുക്കി, സ്‌കൂളിലേക്കെന്ന് പറഞ്ഞ് ഇറങ്ങിയ പ്ലസ് വണ്‍കാരി പാറമടയില്‍ മരിച്ച നിലയില്‍..

ഇന്‍സ്റ്റഗ്രാം വഴി പരിചയപ്പെട്ട കൊറിയന്‍ യുവാവ് ജനുവരി 19ന് മരിച്ചു, ആ വേര്‍പാടില്‍ മനംനൊന്ത് ജീവനൊടുക്കി, സ്‌കൂളിലേക്കെന്ന് പറഞ്ഞ് ഇറങ്ങിയ പ്ലസ് വണ്‍കാരി പാറമടയില്‍ മരിച്ച നിലയില്‍..

ചോറ്റാനിക്കര പോലീസിനെ കുഴക്കിയ കുറിപ്പും കണ്ടെത്തി..

കൊച്ചി: ഇൻസ്റ്റഗ്രാം വഴി പരിചയപ്പെട്ട കൊറിയൻ യുവാവിൻ്റെ മരണത്തിൽ മനംനൊന്ത് പ്ലസ് വൺ വിദ്യാർത്ഥിനി ജീവനൊടുക്കി. തിരുവാങ്കുളം മാമല കക്കാട് സ്വദേശി മഹേഷ്, രമ്യ ദമ്പതികളുടെ ഏകമകൾ ആദിത്യ ആണ് മരിച്ചത് 16 വയസ്സായിരുന്നു. ഇന്ന് രാവിലെ 9 മണിയോടെ വീടിന് സമീപത്തെ ശാസ്താംമുകൾ ഭാഗത്തുള്ള പാറമടയിലെ വെള്ളക്കെട്ടിലാണ് കുട്ടിയെ മരിച്ച നിലയില്‍ കണ്ടെത്തിയത്.

സംഭവത്തെക്കുറിച്ച് പോലീസ് പറയുന്നത്:

രാവിലെ പതിവുപോലെ സ്‌കൂൾ യൂണിഫോം ധരിച്ച്, ഉച്ചഭക്ഷണവും കരുതി സ്കൂളിലേക്ക് പോകുകയാണെന്ന് പറഞ്ഞാണ് ആദിത്യ വീട്ടിൽ നിന്നിറങ്ങിയത്. പാറമടയുടെ കരയിൽ സ്കൂൾ ബാഗ് ഇരിക്കുന്നത് കണ്ട് സംശയം തോന്നിയ നാട്ടുകാരാണ് പരിശോധന നടത്തിയത്. തുടർന്ന് കുട്ടിയെ വെള്ളത്തിൽ കണ്ടെത്തുക ആയിരുന്നു.

ആദിത്യയുടെ ബാഗിൽ നിന്നും പോലീസ് കംറിപ്പ് കണ്ടെടുത്തു. ഇൻസ്റ്റഗ്രാം വഴി പരിചയപ്പെട്ട കൊറിയൻ യുവാവ് ജനുവരി 19ന് മരിച്ചെന്നും ആ വേർപാടിൽ മനംനൊന്താണ് താൻ ജീവിതം അവസാനിപ്പിക്കുന്നതും എന്നാണ് കുറിപ്പിലുള്ളത്. ചോറ്റാനിക്കര പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ആദിത്യയുടെ ഫോൺ പോലീസ് ശാസ്ത്രീയ പരിശോധനയ്ക്ക് വിധേയമാക്കും..

കുട്ടി പറഞ്ഞ കൊറിയൻ യുവാവ് യഥാർത്ഥത്തിൽ മരിച്ചിട്ടുണ്ടോ? ഈ സൗഹൃദത്തിന് പിന്നിൽ മറ്റാരെങ്കിലും ഉണ്ടോ? മരണത്തിലേക്ക് നയിച്ച മറ്റ് പ്രേരണകൾ എന്തെങ്കിലും ഉണ്ടോ? തുടങ്ങിയ കാര്യങ്ങളാണ് പോലീസ് പ്രധാനമായും അന്വേഷിക്കുന്നത്. വിശദമായ പരിശോധനകള്‍ക്ക് കളമശ്ശേരി മെഡിക്കൽ കോളേജിലേക്ക് മാറ്റി..