കർണാടകയിൽ എല്ലാ ബസ്സുകളിലും എമർജൻസി എക്സിറ്റ് വാതിലുകൾ നിർബന്ധം

ബംഗ്ലൂരു: കർണാടകയിലുടനീളം സർവീസ് നടത്തുന്ന എല്ലാ ബസുകളിലും എമർജൻസി എക്‌സിറ്റ് വാതിലുകൾ നിർബന്ധമാക്കുമെന്ന് ഗതാഗത മന്ത്രി രാമലിംഗ റെഡ്ഡി.ഗതാഗത വകുപ്പിലെ മുതിർന്ന ഉദ്യോഗസ്ഥരുമായി നടത്തിയ അവലോകന യോഗത്തിലാണ് മന്ത്രി ഈ നിർദ്ദേശം പുറപ്പെടുവിച്ചത്. സംസ്ഥാനത്ത് അടുത്തിടെയുണ്ടായ ബസ് അപകടങ്ങളെക്കുറിച്ച് പരാമർശിക്കുമ്ബോൾ, എമർജൻസി എക്‌സിറ്റ് വാതിൽ ഘടിപ്പിച്ചിട്ടില്ലെങ്കിൽ ഒരു ബസിനേയും രജിസ്ട്രേഷനോ ഫിറ്റ് നസ് സർട്ടിഫിക്കറ്റോ പുതുക്കാൻ അനുവദിക്കില്ലെന്ന് മന്ത്രി പറഞ്ഞു. ഇതുസംബന്ധിച്ച നിയമം നടപ്പിലാക്കുന്ന ഒരു സർക്കുലർ ഉടൻ തന്നെ പുറപ്പെടുവിക്കുമെന്നും മന്ത്രി അറിയിച്ചു. നിർദ്ദേശം നടപ്പിലാക്കുന്നതിൽ പരാജയപ്പെടുന്ന ഉദ്യോഗസ്ഥർക്കെതിരെ കർശനമായ അച്ചടക്ക നടപടി സ്വീകരിക്കുമെന്ന് റെഡ്ഡി മുന്നറിയിപ്പ് നൽകി. കർണാടകയിലേക്ക് പ്രവേശിക്കുന്ന അന്തർസംസ്ഥാന ബസുകൾ പരിശോധിക്കുമെന്നും എമർജൻസി എക്സിറ്റ് വാതിലുകളില്ലാത്ത ബസുകളുടെ ഫിറ്റ്നസ് സർട്ടിഫിക്കറ്റുകൾ റദ്ദാക്കുമെന്നും അദ്ദേഹം മുന്നറിയിപ്പ് നൽകി.അധിക ലഗേജ് കൊണ്ടുപോകുന്ന ബസുകളിലും അനുവദനീയമായ പരിധിക്കപ്പുറം ഭാരം

കൊണ്ടുപോകുന്ന ഹെവി വാഹനങ്ങളിലും പരിശോധനകൾ ശക്തമാക്കാനും മന്ത്രി ഉദ്യോഗസ്ഥർക്ക് നിർദ്ദേശം നൽകി. ഫിറ്റ്നസ് സർട്ടിഫിക്കറ്റുകൾ പുതുക്കുന്നതിന് മുമ്‌ബ് എല്ലാ സ്കൂൾ, കോളേജ് ബസുകളും സമഗ്രമായ പരിശോധനയ്ക്ക് വിധേയമാക്കണമെന്നും മന്ത്രി പറഞ്ഞു. കാലഹരണപ്പെട്ട സർട്ടിഫിക്കറ്റുകൾ ഉപയോഗിച്ച് ഓടുന്ന വാഹനങ്ങൾക്ക് ഉടൻ തന്നെ നോട്ടീസ് നൽകണം. എക്സിറ്റ് വാതിലുകളില്ലാത്ത ബസുകളെ നിരീക്ഷിക്കുന്നതിന് പ്രത്യേക പ്രതിമാസ പരിശോധനാ സംഘങ്ങൾ രൂപീകരിക്കുമെന്നും മന്ത്രി വ്യക്തമാക്കി.