ബിജെപി സീറ്റ് നല്കാത്തതിന് പിന്നാലെ ആത്മഹത്യ ശ്രമം നടത്തിയ പനങ്ങോട്ടേല വാര്ഡ് സ്ഥാനാര്ഥി ശാലിനി സനില് തോറ്റു
റിപ്പോർട്ട് ബൈഷികുമാർ
തദ്ദേശ തെരഞ്ഞെടുപ്പില് ബിജെപി സീറ്റ് നല്കാത്തതിന് പിന്നാലെ ആത്മഹത്യ ശ്രമം നടത്തിയ പനങ്ങോട്ടേല വാര്ഡ് സ്ഥാനാര്ഥി ശാലിനി സനില് തോറ്റു. എല് ഡി എഫ് സ്ഥാനാര്ഥിയായ അഡ്വ. ലക്ഷ്മിയാണ് പനങ്ങോട്ടേല വാര്ഡില് വിജയിച്ചത്. ബി ജെപി സ്ഥാനാര്ഥിയായി നിന്ന ശാലിനി സനില് നാലാം സ്ഥാനത്തേക്ക് പോയി. ആകെ
111 വോട്ടുകളാണ് നേടാനായത്. സ്വതന്ത്ര സ്ഥാനാർഥിയായി മത്സരിച്ച ശ്രുതി 180 വോട്ടുകളാണ് നേടിയത്.
നേരത്തെ പനങ്ങോട്ടേല വാർഡിലെ സ്ഥാനാർഥി നിർണയത്തിൽ ബിജെപിക്കിടയിൽ ആശയക്കുഴപ്പം ഉണ്ടായിരുന്നു. സീറ്റ് നല്കാത്തതും വ്യക്തിഹത്യ താങ്ങാനാവാത്തതുമാണ് ആത്മഹത്യ ശ്രമത്തിലേക്ക് നയിച്ചതെന്ന് ബിജെപി പ്രവർത്തകയും മഹിളാ മോർച്ച നോർത്ത് ജില്ലാ സെക്രട്ടറിയുമായ ശാലിനി സനിൽ പറഞ്ഞിരുന്നു.ആർ എസ് എസ് പ്രാദേശിക നേതാക്കൾ തന്നെ വ്യക്തിഹത്യ നടത്തിയെന്ന് അവര് ആരോപണം ഉന്നയിച്ചിരുന്നു. പുറത്തിറങ്ങാൻ കഴിയാത്ത മട്ടിൽ അപവാദം പറഞ്ഞുവെന്നും അവര് പറഞ്ഞിരുന്നു.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
