ഹിന്ദുവായിരിക്കുക എന്നാൽ ഭാരതമാതാവിന്റെ മകനായിരിക്കുക എന്നാണ്. ഹിന്ദു സ്വത്വം രാജ്യത്തോട് ഉത്തരവാദിത്തം വഹിക്കുന്നുണ്ടെന്ന അവബോധം ഓരോ ഹിന്ദുവിനും ഉണ്ടായിരിക്കണമെന്ന് മോഹൻ ഭാഗവത്

ബെംഗളൂരു: ഇന്ത്യ ഒരു ഹിന്ദു

രാഷ്ട്രമാണെന്നും രാജ്യത്തെ മുസ്ലീങ്ങളും ക്രിസ്ത്യാനികളും ഹിന്ദു പൂർവ്വികരുടെ പിൻഗാമികളാണെന്നും അതിനർത്ഥം 'അഹിന്ദു ഇല്ല' എന്നുമാണെന്നും രാഷ്ട്രീയ സ്വയംസേവക സംഘം മേധാവി മോഹൻ ഭാഗവത് .ഹിന്ദുവായിരിക്കുക എന്നാൽ ഭാരതമാതാവിന്റെ മകനായിരിക്കുക എന്നും ഹിന്ദു സ്വത്വം രാജ്യത്തോട് ഉത്തരവാദിത്തം വഹിക്കുന്നുണ്ടെന്ന അവബോധം ഓരോ ഹിന്ദുവിനും ഉണ്ടായിരിക്കണമെന്നും അദ്ദേഹം പറഞ്ഞു.

പുരാതന സഞ്ചാരികൾ ഈ നാട്ടിൽ താമസിക്കുന്ന ആളുകളെ സൂചിപ്പിക്കാൻ ഹിന്ദു എന്ന പദം ഉപയോഗിച്ചിരുന്നുവെന്ന് അദ്ദേഹം പറഞ്ഞു. അദ്ദേഹം ഹിന്ദു സമൂഹത്തെ നാല് ഗ്രൂപ്പുകളായി തരംതിരിച്ചു.ആദ്യത്തേത് ഹിന്ദുവായിരിക്കുന്നതിൽ അഭിമാനിക്കുന്നവരാണ്. രണ്ടാമത്തെ കൂട്ടർ തങ്ങൾ ഹിന്ദുക്കളാണെന്ന് അംഗീകരിക്കുന്നു, പക്ഷേ അതിൽ അഭിമാനം തോന്നുന്നില്ല.

മൂന്നാമത്തേത് സ്വകാര്യമായി ഹിന്ദുക്കളാണെന്ന് കരുതുന്നവരും എന്നാൽ പരസ്യമായി അങ്ങനെ തിരിച്ചറിയാത്തവരുമാണ്. നാലാമത്തെ കൂട്ടർ തങ്ങൾ ഹിന്ദുക്കളാണെന്ന് മറന്നു,' അദ്ദേഹം കൂട്ടിച്ചേർത്തു.ഇന്ത്യ ഒരു ഹിന്ദു രാഷ്ട്രമാണെന്ന് അദ്ദേഹം ആവർത്തിച്ചു, മുസ്ലീങ്ങളും ക്രിസ്ത്യാനികളും ഒരേ പൂർവ്വികരുടെ പിൻഗാമികളാണെന്നും അദ്ദേഹം പറഞ്ഞു. ഹിന്ദുവായിരിക്കുക എന്നാൽ രാഷ്ട്രത്തോടുള്ള ഉത്തരവാദിത്തം എന്നാണ് അദ്ദേഹം പറഞ്ഞത്.ഹിന്ദു സമൂഹം ഒരു ഐക്യശക്തിയായി ഒന്നിക്കണമെന്ന് ഭഗവത് പറഞ്ഞു. ആത്മവിശ്വാസവും ശക്തവുമായ ഒരു ഹിന്ദു സമൂഹം 'വസുധൈവ കുടുംബകം' (ലോകം ഒരു കുടുംബം) എന്ന സന്ദേശം - ലോകം ഒരു കുടുംബമാണ് എന്ന ആശയം ലോകത്തിന്റെറെ മറ്റു ഭാഗങ്ങളുമായി പങ്കുവയ്ക്കാൻ പ്രവർത്തിക്കണമെന്ന് അദ്ദേഹം കൂട്ടിച്ചേർത്തു.ലോകത്തിന് പഠിക്കാനും സ്വീകരിക്കാനും കഴിയുന്ന ധാർമ്മികതയിലും കാരുണ്യത്തിലും അധിഷ്ഠിതമായ ഒരു ഇന്ത്യൻ ജീവിത മാതൃക സൃഷ്ടിക്കണമെന്ന് അദ്ദേഹം ആവശ്യപ്പെട്ടു.