വിസ്മയ മോഹൻലാലിന് രാഷ്ട്രീയം അറിയില്ല, സമരം ചെയ്യുന്നത് ഒരു യോ​ഗ്യതയുമില്ലാത്തവർ’; വിദ്യാർഥി പ്രതിഷേധത്തിനെതിരെ മേജർ രവി

ദില്ലിയിലെ സിജെപി പ്രതിഷേധത്തിനെതിരെ സംവിധായകൻ മേജർ രവി. സമരത്തിന് വിദേശ ഫണ്ടിങ് ലഭിക്കുന്നുണ്ടെന്നും സമരം ചെയ്യുന്നത് ഒരു യോ​ഗ്യതയുമില്ലാത്തവരാണെന്നും മേജർ രവി പറഞ്ഞു. സൗജന്യ ഭക്ഷണത്തിനും മദ്യത്തിനുമാണ് പലരും അവിടെയെത്തിയതെന്നും മേജർ രവി പറഞ്ഞു.

ദില്ലിയിലെ വിദ്യാർഥികളുടെ പ്രതിഷേധത്തെ പൊലീസ് അടിച്ചമർത്തിയതിനെതിരെ വിസ്മയ മോഹൻലാലും രം​ഗത്തെത്തിയിരുന്നു. ഇതിനെതിരെ പ്രതികരിച്ചുകൊണ്ടും മേജർ രവി രം​ഗത്തെത്തി. വിസ്മയ പഠിച്ചതും വളർന്നതും വിയറ്റ്നാമിലാണെന്നും അവർക്ക് രാഷ്ട്രീയം അറിയില്ലെന്നും മേജർ രവി പറഞ്ഞു. വിദ്യാർഥികളെ മർദിക്കുന്നതു കണ്ടപ്പോൾ മനുഷ്യത്വത്തി​ന്റെ പുറത്താണ് വിസ്മയ പ്രതികരിച്ചതെന്നും അദ്ദേ​ഹം പറഞ്ഞു.

മായക്ക് ഇതി​ന്റെ പിന്നിലെ ​ഗൂഢാലോചനയെക്കുറിച്ച് അറിയില്ലെന്നും അദ്ദേഹം കൂട്ടിച്ചേർത്തു.നീറ്റ് പരീക്ഷാ ചോദ്യപേപ്പർ ചോരുന്നത് ഇന്നോ ഇന്നലയോ തുടങ്ങിയത് അല്ലെന്നും കോൺഗ്രസ് ഭരിച്ചിരുന്ന സമയത്തും ഇതുണ്ടായിട്ടുണ്ടെന്നും മേജർ രവി പറഞ്ഞു. പ്രതിഷേധിക്കുന്ന പലർക്കും നീറ്റ് എന്താണെന്നോ സിബിഎസ്ഇയുടെ ഫുൾ ഫോം എന്താണെന്നോ അറിയില്ലെന്നും രവി പരിഹസിച്ചു.