പരീക്ഷയില് മാര്ക്ക് കുറഞ്ഞതിന് മാതാപിതാക്കള് ശാസിച്ചു': സ്കൂള് കെട്ടിടത്തിന്റെ അഞ്ചാം നിലയില്നിന്ന് ചാടി വിദ്യാര്ഥിനി ജീവനൊടുക്കി
റിപ്പോർട്ട് :ബൈഷി കുമാർ
ഹൈദരാബാദ്: സ്കൂള് കെട്ടിടത്തിന്റെ അഞ്ചാം നിലയില്നിന്ന് ചാടി പത്താം ക്ലാസ് വിദ്യാര്ഥിനി ജീവനൊടുക്കി. ചൊവ്വാഴ്ച ഹൈദരാബാദിലെ ഹബ്സിഗുഡ പ്രദേശത്തെ കാര്യ സ്കൂളിലായിരുന്നു സംഭവം. പരീക്ഷയില് മാര്ക്ക് കുറഞ്ഞതിന് മാതാപിതാക്കള് ശാസിച്ചതില് കുട്ടി അസ്വസ്ഥയായിരുന്നുവെന്നാണ് റിപ്പോര്ട്ട്.
പോലീസ് സ്ഥലത്തെത്തി മൃതദേഹം പോസ്റ്റ്മോര്ട്ടത്തിനായി സെക്കന്തരാബാദിലെ ഗാന്ധി ആശുപത്രിയിലേക്ക് മാറ്റി. സംഭവത്തില് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. അടുത്തിടെ തെലങ്കാനയിലെ സ്കൂള് വിദ്യാര്ഥികള് ആത്മഹത്യ ചെയ്യുന്ന രണ്ടാമത്തെ സംഭവമാണിത്.
തിങ്കളാഴ്ച നിസാമാബാദ് ജില്ലയിലെ ചന്ദ്രൂരിലുള്ള തെലങ്കാന മൈനോറിറ്റി റെസിഡന്ഷ്യല് സ്കൂളില് പത്താം ക്ലാസ് വിദ്യാര്ഥി ആത്മഹത്യ ചെയ്തിരുന്നു. മുറിയിലെ ഇരുമ്പ് വടിയില് ബെഡ്ഷീറ്റ് കുരുക്കി തൂങ്ങിയ നിലയിലായിരുന്നു വിദ്യാര്ഥിയുടെ മൃതദേഹം. ഈ സംഭവത്തിലും അന്വേഷണം നടക്കുകയാണ്.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
