വിവാഹമോചന നോട്ടീസ് അയച്ചതിന് ഒരാഴ്ചയ്ക്കുശേഷം ഭാര്യയെ വെടിവെച്ചു കൊലപ്പെടുത്തിയതായി റിപ്പോർട്ട്.

റിപ്പോർട്ട്‌ :ബൈഷി കുമാർ

admin

Dec 25, 2025 - 16:57

*ബെംഗളൂരു* : വിവാഹമോചന നോട്ടീസ് അയച്ചതിന് ഒരാഴ്ചയ്ക്കുശേഷം ഭാര്യയെ വെടിവെച്ചു കൊലപ്പെടുത്തിയതായി റിപ്പോർട്ട്. ബെംഗളൂരുവിൽ ഇന്ന് നടന്ന സംഭവത്തിൽ, ബാലമുരുഗൻ എന്നയാളാണ് ഭാര്യ ഭുവനേശ്വരിയെ വെടിവെച്ച് കൊലപ്പെടുത്തിയതെന്ന് പോലീസ് അറിയിച്ചു. ഇരുവരും നേരത്തെ വേർപിരിഞ്ഞ് താമസിച്ചുവരികയായിരുന്നു.

ജോലിയിൽ നിന്ന് വീട്ടിലെത്തിയ ഭുവനേശ്വരിയിലേക്ക് ബാലമുരുഗൻ നാല് റൗണ്ട് വെടിയുതിർക്കുകയായിരുന്നു. സംഭവത്തിന് പിന്നാലെ പ്രതി അടുത്തുള്ള പോലീസ് സ്റ്റേഷനിൽ കീഴടങ്ങി. സംഭവത്തിൽ അന്വേഷണം പുരോഗമിക്കുകയാണെന്നും ഉപയോഗിച്ച തോക്കിന്റെ ഉറവിടം പോലീസ് പരിശോധിച്ചുവരികയാണെന്നും അധികൃതർ അറിയിച്ചു.

പ്രതി ബാലമുരുഗൻ (40) വിദ്യാഭ്യാസയോഗ്യതയിൽ സോഫ്റ്റ്‌വെയർ എഞ്ചിനീയറായിരുന്നെങ്കിലും കഴിഞ്ഞ നാല് വർഷമായി തൊഴിലില്ലായ്മ അനുഭവിച്ചുവരികയായിരുന്നു. കൊല്ലപ്പെട്ട ഭുവനേശ്വരി (39) യൂണിയൻ ബാങ്ക് ഓഫ് ഇന്ത്യയിൽ അസിസ്റ്റന്റ് മാനേജറായി ജോലി ചെയ്തുവരികയായിരുന്നു.