നന്ദിനിയുടെ പേരിൽ മായം ചേർത്ത നെയ്യ് നിർമ്മാണം; വ്യാജ ഫാക്‌റി കണ്ടെത്തി; 8,136 ലിറ്റർ വ്യാജ നെയ്യ് പിടികൂടി; 4 പേർ അറസ്റ്റിൽ*

ബെംഗളൂരു: തമിഴ്‌നാട്ടിലെ തിരുപ്പൂരിൽ പ്രവർത്തിക്കുന്ന വ്യാജ നെയ്യ് ഫാക്‌ടറി കണ്ടെത്തി. കർണാടക സർക്കാരിൻ്റെ ഉൽപ്പന്നമായ 'നന്ദിനി' എന്ന പേരിൽ നിർമ്മിച്ച 8,136 ലിറ്റർ മായം ചേർത്ത നെയ്യ് പിടിച്ചെടുത്തു.ഇതുമായി ബന്ധപ്പെട്ട് വ്യാജ നെയ്യ് വിതരണക്കാരൻ ഉൾപ്പെടെ നാല് പേരെ അറസ്റ്റ് ചെയ്തു. കർണാടക സർക്കാരിൻ്റെ കെഎംഎഫ് എന്നറിയപ്പെടുന്ന കർണാടക സഹകരണ പാൽ ഉൽപ്പാദക ഫെഡറേഷൻ നിർമ്മിക്കുന്ന പാലുൽപ്പന്നങ്ങൾ രാജ്യത്തുടനീളം പല സംസ്ഥാനങ്ങളിലും നന്ദിനി' എന്ന പേരിൽ വ്യാജവും മായം ചേർത്തതുമായ നെയ്യ് വിപണിയിൽ വിൽക്കുന്നതായി കെഎംഎഫ് വിജിലൻസ് വിഭാഗത്തിന് ലഭിച്ച വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് വ്യാജ ഫാക്‌ടറി കണ്ടെത്തിയത്. ഇതുസംബന്ധിച്ച് അന്വേഷണം ആരംഭിച്ചിട്ടുണ്ട്. തിരുപ്പൂരിൽ മായം ചേർത്ത നെയ്യ് ഉണ്ടാക്കി അവിടെ നിന്ന് വാനുകളിൽ ബെംഗളൂരുവിലേക്ക് എത്തിക്കുകയാണ് ഇവർ ചെയ്യുന്നത്. ഇവിടുത്തെ കടകളിൽ വിറ്റുകൊണ്ട് വൻ ലാഭമാണ് ഇവർ നേടുന്നത്. കഴിഞ്ഞ രണ്ട് വർഷമായി മായം ചേർത്ത നെയ്യ് ഉണ്ടാക്കുന്നുണ്ട്. മായം ചേർത്ത നെയ്യ്, വെളിച്ചെണ്ണ, ഡാൽഡാ, പാം ഓയിൽ, നെയ്യ് ഉത്പാദിപ്പിക്കാൻ ഉപയോഗിച്ച യന്ത്രങ്ങൾ പിടിച്ചെടുത്തു. ഇതിന് ഒന്നേകാൽ കോടി രൂപ വിലവരും. മായം ചേർത്ത നെയ്യ് നിർമ്മിച്ചതിന് മഹേന്ദ്ര, മകൻ ദീപക്, മായം ചേർത്ത നെയ്യ് കടകളിൽ വിറ്റ മുനിരാജ്, വാൻ ഡ്രൈവർ അബി ഉർസ് എന്നിവരെ അറസ്റ്റ് ചെയ്തു.'നന്ദിനി' എന്ന പേരിൽ വിൽക്കുന്നു.ഇതിൻ്റെ വ്യാജ പതിപ്പാണ് നിർമ്മിച്ച് വിറ്റഴിച്ചത്.